Տարահանման վարժանք Երևանի N 13 հիմնական դպրոցում
Երևանի Էռնեստ Թելմանի անվան N 13 հիմնական դպրոցում անցկացվեց տարահանման վարժանք՝ ՀՀ ներքին գործերի նախարարության Սեյսմիկ պաշտպանության տարածքային ծառայության նախաձեռնությամբ։ Վարժանքին հետևեցին բնակչության հետ տարվող աշխատանքների վարչության պետ Սյուզաննա Կակոյանը, փորձագետ Սերոբ Դարբինյանը և գլխավոր մասնագետ Անի Արամյանը։
Ըստ սցենարի՝ գրանցվում է երկրաշարժ, և դպրոցի անձնակազմը լքում է շենքը հնարավոր ելքերով։ Մեկ տուժածին բակում ծավալված բուժկետում ցուցաբերվում է առաջին օգնություն։
Վարժանքի ընթացքում մասնակիցների գործողությունները և տարահանվածների վերաբերյալ զեկույցների ընթացքը գնահատվեց լավ։
Տեսանյութն ու լուսանկարները՝ ԱՆԻ ԱՆՏՈՆՅԱՆԻ
